নাজমুল ইসলাম মকবুল, বিশ্বনাথ, সিলেট:
আমার নাগার গাছো ধরছে নাগামরিছ ও মদরিছ
নাগার গাছো ধরছে নাগামরিছ।।
ইতা অইলো কালা নাগা
গাছ লাগাইছি ঘরর লাগা
যতোইতা ধরছে নাগা মরিছ ও মদরিছ।।
দেখলেউ জিফরার পানি পড়ে
মুখে খালি লড়েছড়ে
খাইতে জানে খুজে ওউ মরিছ ও মদরিছ।।
নালি হাগ আর নাগা দিয়া
খাইয়া দেখিয়ো ভাত মাখাইয়া
আমর চাটনিত দিয়ো ওউ মরিছ ও মদরিছ।।
হিদল ভর্তাত নাগা দিয়ো
মাছ চাটনি আর ডাইলো দিয়ো
পাকিগেলে রাখিয়ো ককটা বিছ ও মদরিছ।